شمئے ھر وڑیں کمک و مدت مارا زرورت انت

 

 گھاراں، براتاں، بلوچ راجء سانڈین پسگاں ۔ ما شما درستاں اے گپا تپاکں کہ سالانی سال انت ایرانء زورانسرین سرکار و حکومتاں مئے ھک و اؤبالاں اچ ما پل اتگ و پلگا انت، و مئے سرڈگاراش آوار جتگ، و اشیء ھم پہ جوانی سرپداں کہ پہ نندگ و چارگ ھچ کارے شرّ نہ بیت، ابید چہ وھدے زوال کنگا ۔ ھچ ارش و آزمانی واک و کدرتے نہ ات مئے دستا نہ گرایت، و اے پگرے واھندان ھجبر سؤبئن نبوتگ انت و نہ بنت ۔ تاں روچ مروچي ھچ راجے پہ نندگ و واھگ کنگ نیک وت واجھیء واھند بوتگ و نیک بیت ۔ ھما وھدی انسانے ٹپاں درمان بنت کہ چہ لوگا در بہ کپیت و پہ آیانی علاجا کؤشش بہ کنت!

اے درگتا منا کسہ اۓ یات کیت۔ یک مردے ھست ات، نیّتی کت کہ چہ وتی دکانا ھمک روچ پادانی بہ رؤت وتی لوگا۔ بیست سال چہ اے مردے واھگا گؤست بلے سؤبئین نہ بوت، پہ اش کہ مروچی بانداتی کت ۔  

ھر چنت اگر ما شما بہ ننداں و بچاراں، ابید اچ اش کہ ما شمارا جن انت و بیگواہ کن انت، دگہ کارے شرّ نہ بیت ۔ اے  وتسر و وتواہ و زورانسراں ھجبر دلش پہ من و تواں بلوچا نہ ستکگ و نہ سچیت ۔ اشاں ھما روچی وتی بے لگامیں بؤرا اؤشتارین انت کہ بلوچے توار بہ تسیت و دگہ برا ھچ بلوچیء گؤاہ مہ کنت، یا کہ من و تو وتارا ھنچو واکدار بہ کنے کہ منیگ و تئی پروشگ و گار کنگ پہ آیان آسان مہ بیت ۔ گڈا بیا پہ وتی زندگ بئیگا پیش چہ اش کہ من و ترا بیگواہ بہ کن انت ، یک و تپاک بئن و اے گیمرتگین دپتوارا برز بہ کن اں ۔ پہ اے واکے جوڑ کنگا و دپتوارے برز کنگا، بلوچستانء استمانء گل ( حزب مردم بلوچستان ) چہ شما درستین برات و گھاراں دسبندی کنت کہ چہ وتی گرانکیمتیں وھدا کسانین وھدے گون ما پہ بلوچ راجے کارانی دیم برگ  شریک بئت ۔ شمئے ھر وڑین مدت و کمک مارا زرورت انت ۔

استمان گل پہ ھچ کسی زاتی واھگاں و پہ لھتے ھاسیں مردمء شر کنگ نہ بوتگ ۔ بلکے گلے واھگ و مراد بلوچ و بلوچستانء توارے برزکنگ و ھک و اؤبالانی پد جنگ و گرگ انت ۔ ھمراہ و ھمگام گون شما ھما کسان کہ پہ بلوچ راجے راستین و ھکیکتین ھکاں ایمان اش ھست انت ۔

 

بلوچستانءِ اُستمانءِ گــَلّ