بلوچستان ءِ پَری
دلبر شیرئین زُبان
نالان پَہ تہ مِهربان
بلوچستان ءِ پَری
نالان پَہ تہ مِهربان
دِل منی تَہ برتگ ے
جان و جَگَر سُهتگ ے
من شہ زهیر و گَمان
نالان پَہ تہ مِهربان
عشق مَنا بے سار کَنت
چُو مُریدءَ گار کَنت
چو تپتانءَ دِل جلان
نالان پَہ تہ مِهربان
من شہ تئی عشقءِ تَپءَ
سُهتگان هر نئیم شپءَ
من گون دِل ءُ روح ءُ جان
نالان پَہ تہ مِهربان
عشق عجَبئین زِِراب دَنت
شَهدُرّی دِل تاب دَنت
ماهئین منی مَهوش جان
نالان پَہ تہ مِهربان
Saeed
Borhanzahi- Sweden
Stockholm 26-03-2004